Ekstraordinært årsmøte
Vanylven sogelag har hatt stor aktivitet dei siste åra med å opprette heimeside, digitalisert ætteboka, kartlagt kulturminne i fjell og utmark, fotografert og registrert bilete, og så har vi det faste arbeidet med Fotefar. Mesteparten av dette fører til utgifter for sogelaget. Den grove oversikta over utgifter og inntekter som tabellane nedanfor viser, fortel oss at drifta av sogelaget går med underskot.
Økonomisk oversikt:
| Faste utgifter | |
| Husleige, irekna kontor, lagerleige, straum, varme og internett 2000 kr x 12 | 24 000 |
| Forsikring | 6 000 |
| Drift og vedlikehald av ættebok, nettside og cookie-reglar | 15 000 |
| Vår del av trykking og utsending av Fotefar | 20 000 |
| Diverse, annonser, porto, leige av møtelokale | 5 000 |
| Sum | 70 000 |
| Inntekter | |
| Medlemskontingent irekna Fotefar i postkassa 200 kr x 180 | 36 000 |
| Laussal Fotefar 250 kr x 50 | 12 500 |
| Abonnement Ættesoga 100 kr x 100 | 10 000 |
| Sal av bøker | 500 |
| Sum | 59 000 |
Dette gjev eit underskot på ca 11 000 kr. For å dekkje opp underskotet er det framlegg om å auke medlemskontingenten, abonnementprisen og laussalprisen på Fotefar.
Styret legg derfor fram følgjande forslag på det ekstraordinære årsmøtet:
- Ny medlemskontingent 300 kr.
- Ny laussalpris for Fotefar 350 kr.
- Ny abonnementpris for den digitale ættesoga 150 kr.
Referat frå ekstraordinært årsmøte 18.11.2025:
Det møtte 7 medlemmar.
Sak 1 Godkjenning av innkallinga.
Godkjend.
Sak 2 Godkjenning av saklista.
Godkjend.
Sak 3 Personar til å underskrive referatet.
Ståle og Arild blei valde.
Sak 4 Endring av prisane på medlemskap, Fotefar og Ættesoga.
Gunnar orienterte om den økonomiske bakgrunnen for framlegget frå styrtet.
Forslaget frå styret vart vedteke.
Medlemskontingenten for 2026 blir 300 kr.
Laussalprisen for Fotefar blir 350 kr.
Abonnement Ættesoge blir 150 kr.
Til slutt orienterte Gunnar Strand om Kulturminna i fjell og utmark som vi no har fått lagt inn på heimesida vår.
Arild Henden (sign.) Ståle Thunem (sign.)