Årsmøte

Referat frå årsmøte 05.03.2026

Årsmøtet vart halde på Vanylven aktivitetssenter torsdag 5. mars kl. 18.00.

Det møtte 10 medlemmar.

Gunnar Strand ynskte velkomen.

Sakliste:

Sak 1:    Godkjenning av innkallinga.

Godkjend.

Sak 2:     Godkjenning av saklista.

 Godkjend.

Sak 3:     Val av møteleiar.

Gunnar Strand blei vald.

Sak 4:      Val av møteskrivar.

Arild Henden blei vald.

Sak 5:       Val  av personar til å underskrive møteboka.

 Ståle Thunem og Eli Fiskaa blei valde.

Sak 6:       Godkjenning av årsmeldingane.     (Ligg ved.)

Styret si årsmelding.           Godkjend.

Tidsskriftnemnda si årsmelding.          Godkjend.

Redaksjonsnemnda si årsmelding.             Godkjend.

Fotonemnda si årsmelding.             Merknad: Kalsnesbileta er avfotograferte og sogelaget                       har bileta lagra. Identifiseringa står att.             Godkjend med merknaden.

Arkivnemnda si årsmelding.              Godkjend.

Sak 7:        Godkjenning av rekneskapen.      (Bruk lenka for å sjå rekneskapen.)         Ståle Thunem                         orienterte om det nye budsjettopplegget.     Godkjend.

Sak 8:        Framlegg frå valnemnda.       (Ligg ved.)

Styret.              Valdt.

Varafolk/Valnemnd.             Valde.

Tidsskriftnemnda.             Valde.

Fotoregistreringsnemnda.              Valde.

Arkivnemnda.            Arkivnemnd ut vida med Kåre Kvangarnes etter   benkeforslag.                                   Vald.

Revisorar.             Valde.

Sak 9:         Gunnar Strand orienterte om arbeidet med og opplegget for Kulturminne i fjell og utmark.

Sak 10:       Eventuelt:     Ingen saker.

Ståle Thunem  (sign.)   Eli Fiskaa  (sign.)

Årsmeldingar:

Årsmelding 2025

for

Vanylven Sogelag.

Vanylven sogelag har fylgjande føremål:

Sogelaget har til føremål å vekkje og nøre opp under interessa for slekt, soge, folkeminne, segner og tradisjonsstoff, og ta vare på dette ved å få det nedskrive. Det skal og samle inn og ta vare på dagbøker, brev, bilete og anna av historisk verdi. Sogelaget vil vidareføre bygdebokarbeidet, og gje ut tidsskriftet Fotefar. Dette året har  vi halde eit ekstraordinært årsmøte. Grunnen til dette var at vi såg at vi hadde så store utlegg dette året at vi ville gå i underskot på  drifta i tida framover. Derfor kalla vi inn til eit ekstraordinært årsmøte der det vart vedteke å auke medlemskontingenten frå  2026 til  300 kr, laussalprisen for Fotefar frå 2026 til 350 kr og abonnementet på  ættesoga til 150 kr. I tillegg har vi halde 6 styremøte, eitt pakkemøte og eitt møte om økonomien i laget.

Sogelaget hadde 182 medlemmar i 2025.

Laget er organisert  med eit hovudstyre og fylgjande nemnder:

•  Tidsskriftnemnda
•  Fotoregistreringsnemnda
•  Arkivnemnda
•  Valnemnda
•  Redaksjonsnemnda

I  2025 har styret hatt fylgjande samansetjing:

•  Leiar:                 Gunnar P. Strand
•  Nestleiar:         Audun Kvalsvik
•  Sekretær:         Arild Henden
•  Kasserar:          Kåre Vidnes
•  Styremedlem: Bjarne Sætrenes

Vara til styret og valnemnd:

1. Helge Norhagen
2. Ove Bøstrand
3. Eli Fiskaa

Tidsskriftnemnda har hatt fylgjande samansetjing:

• Ole Magne Kvalsvik – leiar
• Knut Øvreberg
• Helge Norhagen
• Heidi Endal
• Ove Sivertstøl
• Åse Myrvoll

I tillegg har Olav Opsal og Asbjørn Lade  frå Syvde sogelag, og Inge Kløvning frå Åram vore med i nemnda.

Fotoregistreringsnemnda har hatt fylgjande samansetjing:

• Laila Haugen – leiar
• Ståle Thunem
• Marit Margrete Berget
• Arild Skorge
• Idar Rusten
• Roger Haugen

Arkivnemnda har hatt denne samansetjinga:

• Laila Haugen – leiar
• Marit Margrete Berget
• Helge Norhagen
• Ove Bøstrand
• Gunnar Strand

Redaksjonsnemnd:

• Gunnar Strand
• Audun Kvalsvik
• Ståle Thunem
• Helge Takseth (går ut. Tor Sæther kjem inn som ny)
• Laila Haugen
• Arild Henden

Revisorar  dette året har vore Idar Rusten og Elsa Åland.

Årsmelding 2025

 frå

Redaksjonsnemnda:

Desse er med i nemnda:  Laila Haugen, Marit Margrete Berget,  Gunnar P. Strand, Ståle Thunem, Helge Takseth/TorSæther, Audun Kvalsvik og Arild Henden.

Arbeidet dette året har vore å samle inn og legge  inn nye opplysningar i databasen, og å arbeide med artiklane om bygdelaga. Der har vi no ferdig stykka om Nordstranda, Fiskåbygda og Almklovdalen. Vi har vel blitt einige om ein mal for artiklane, men problemet er å få dei korte nok og samtidig få med det vi meiner er viktig.

Trass i at sogelaget har vore aktiv i Synste Møre med artiklar om arbeidet vårt, det heller lite opplysningar vi har fått inn på den måten.  Det meste har vi fått inn gjennom personleg kontakt enten direkte eller gjennom telefon og data eller gjennom media.  Vi har no fått inn opplysningar om mesteparten av folka og eigedomane. Ein del personar ynsker ikkje å gje personopplysningar, og det må vi respektere.

Vi har arbeidt mykje med bilete dette året. Laila Haugen og Roger Haugen har gjort eit storarbeid med å fotografere heile området vårt, og desse bileta har Laila lagt inn i mediabasen slik at vi kan bruke dei.

Helge Takseth har flytta  frå bygda, og derfor har Tor Sæther kome inn som nytt medlem av redaksjonsnemnda.

Årsmelding  frå fotoregistreringsgruppa 2025

Fotonemnda – Vanylven Sogelag Medlemmer i fotonemnda

Leiar: Laila Haugen. Medlemmer: Roger Haugen, Kjell Berge, Marit Margrete Berget, Ståle Thunem, Arild Skorge, Idar Rusten.

Kirsti Hoel flytta frå Vanylven i løpet av året og Annlaug Stokseth vart sjuk så gjekk difor ut av nemnda.

Eit hovudprosjekt i 2025 har vore fotografering av gardar og bruk i Vanylven -Gnr.1 – 72.

Underteikna stod for køyring, medan Roger Haugen tok dronebilete av 2316 bruksnummer pluss oversiktsbilder, som vart nytta i Vanylven sogebok. Arbeidet med dronefotograferinga gjekk føre seg over fire dagar, med køyring i både fjell og fjøre. Under arbeidet i Fluevågen mista vi ei drone i sjøen, men Roger stupte om lag fire meter og fekk berga drona. Etter fotograferinga vart alle bileta redigerte og lagde inn i rette bildefiler, sortert på korrekt gards- og bruksnummer av meg. Dette arbeidet tok om lag tre veker.

Lefdalssamlinga

Arild Skorge arbeidde saman med Marit Margrete Berget og Alvhild Borg på Åheim med identifisering av personar i Lefdalssamlinga. Her vart rundt 600 bilete gjennomgått. Seinare fekk eg tilsendt eit Excel-ark frå Arild. Mi oppgåve var då å finne fødselsår og dødsår på dei identifiserte personane, og deretter leggja opplysningane inn i Fylkesfotoarkivet i Møre og Romsdal. Dette arbeidet tok òg fleire veker.

Neste planlagde prosjekt for fotonemnda er å starte arbeidet med Kalsnessamlinga.

Laila Haugen

Årsmelding skriftnemnda Fotefar 2025

Medlemar: Ole Magne Kvalsvik, red., Helge Norhagen, Ove Sivertstøl, Aase Myrvoll, Knut

Øvreberg, Heidi Endal, Olav Opsal, Asbjørn Lade, Inge Kløvning.

I år vart det eit oppstartmøte i august der fire personar møtte, og seinare eit

oppfølgingsmøte i september, der berre tre stykke møtte. No treng ein i våre

dagar med digitale kommunikasjonskanalar for så vidt ikkje møtast fysisk i det

heile, men med nokre travle personar og andre med helsevanskar kjenner eg på

at eg kunne ønskt større involvering frå ein del i nemnda.

No var rett nok enkelte med og hjelpte til med avskriving av andre del av

Frihagenstykket, som var ein dominerande del av heftet i år. Andre jobbar godt

på med å få fram tekstbidrag utan å kunne stille på møta, men utanom bidrag frå

Syvde, og Helge Norhagen og Inge Kløvning, som gjer ein god jobb på

Nordstranda/ Hakallestranda, er det til tider litt tungt å få fram stoff.

Heldigvis har vi nokre gode interessentar utanom nemnda, som Ove Bøstrand,

som i år kom med eit stykke om vegen rundt Syltefjorden. Jostein Nordvik er også

ein flittig bidragsytar, der ein han i år tok føre seg om handel i Syvde, som eit

tillegg til Ester Sørdal Klungre sitt stykke om Dragebutikken. Ei særleg takk til

henne for også hjelp med avskriving og å kunne rådføre seg litt med om

Frihagenteksten og anna i heftet.

Utanom nemnda elles takk for bidrag til Oddbjørn Skjong om Sør-Afrikafarar og

til vår trufaste korrekturlesar på Jonsokhaugen. Leiaren i nemnda merkar som

nemnt før på redusert kapasitet, men vi går førebels vidare og har ein litt på

«beddingen» for neste år.

For skriftnemnda 2025:

Ole Magne

Årsmelding Arkiv 2025

Leiar Laila Haugen, Marit Margrete Berget, Helge Norhagen, Gunnar Strand og Ove Bøstrand.

Det er en god del med arbeid å få i system alt vi har på arkivet opp på kommuna.  Men fotonemnda og ættebok-arbeid tok opp all tid eg har til rådighet.

Har dessverre ikkje fått gjort noko dette året.

Laila Haugen

Rekneskapen

For å sjå rekneskapen trykk her

Forslag frå valnemnda: